Fassenachtsgedicht 2022

von Ulrike Jungels-Litzius

Ich kann es nit glaaabe. Dess iss doch nit wahr,
es gibt widder kaa Fassenacht dieses Jahr.
In Gusbach do falle die Sitzunge aus,
einjeder bleibt jetzt widder zuhaus.

Nix iss mit lache, schunkele und singe,
ich kennt jo grad nakisch in die Bach enaoi springe,
Corona, Corona schreits aus alle Ecke,
ach möge des Virus doch endlich verrecke.

De Fassenachtsumzug findet aach nit statt,
weil meer große Ängscht vor de Aasteckung hat.
Delta und Omnikron hat uns im Griff,
deswesche gibts kaa Narreschiff.

Die Kinner sind traurisch, die Erwachsene aaach,
wann endet endlich diese Plaach.
Mer hoffe all, des iss bald vorbei,
dass wenigstens es gibt wiedder Helaugeschrei.

Kaa Gutsjer, kaa Chips und kaa Popcorn werd geschmisse,
ach was duhn mir unsern Umzug vermisse.
Weder Büttered noch Gardetanz
erfreut den Johann oder Franz.

Unn die scheene Kostüme und geschmückte Waache,
duhn einfach nit durch Gusbach faahre.
Kaan Schoppe trinke uff de Gass und kaa Biersche aus em Fass.

Kaa Konfetti und kaa Oarde,
ei do fehle einm die Worte.

Ei, des iss ganz fersterlisch,
koanner danzt aach uff em Tisch,
Mir vermisse aach ganz doll,
unsern Vereinssaal -probbevoll.

Unsern Besenmann der Treue,
kann sich aach grad gar nit freue.
Den Rathaussturm hot er erlebt,
do hot die ganze Gass gebebt

Doch all des derf mer nimmer mache,
des sinn grad gar kei scheene Sache.
Unn dess all in em Schnapszahljahr,
alles anners als wunderbar.

Neechstes Jahr, dess wird so sei,
gibt’s bestimmt Helau Geschrei.